Rajada Chelsea ee saxiixa weeraryahanka Napoli Victor Osimhen oo hadda heshay dhiirigelin weyn iyadoo Antonio Conte uu doonayo inuu Romelu Lukaku keeno kooxda reer Talyaani

Sida hore loo shaaciyay Conte ayaa bartilmaameedkiisa ugu sarreeya ka dhigay Lukaku si uu u bedelo Osimhen kaasoo aan ku lug yeelanin kulamadii ugu dambeeyay ee Napoli ee isku diyaarinta xilli ciyaareedka

Osimhen oo qandaraaskiisa lagu burburin karaa ku dhawaad 110 milyan ginni laakiin waxay u muuqdaan inay yareeyaan dalabaadkooda maadaama suuqa kala iibsiga uu xirmayo

Chelsea iyo Arsenal oo ay wehliyaan Paris Saint-Germain ayaa si weyn loola xiriirinayay xiddiga heerka caalami ee dalka Nigeria waxaana ka bixitaankiisa Napoli ay u muuqataa mid lama huraan ah

Agaasimaha Napoli ee Giovanni Manna oo wareysi uu bixiyay Sabtidii ku sheegay in weeraryahanka uu si rasmi ah u codsaday inuu ka tago kooxda xagaagan

Victor Osimhen waxa uu codsaday in uu kooxda ka tago Wuxuu rabaa inuu aado Manna ayaa tiri

Xaaladdu waa caddahay, waxaa jiray fursado uu kaga bixi karo xagaagii hore Victor wuxuu rabaa inuu baxo Waxaan arki doonaa 20ka maalmood ee soo socda

TEAMtalk oo lagu wargeliyay in xiisaha Chelsea ee Osimhen uu weli taagan yahay inkastoo ay qarka u saaran yihiin inay la soo wareegaan weeraryahanka da’da yar Samu Omorodion oo ka tirsan Atletico Madrid

Waxaan fahamsanahay in Blues ay qorsheyneyso inay sameyso isku daygii ugu dambeeyay ee ay ku dooneyso xiddiga Napoli marka ay 54 milyan ginni kula soo wareegto garabka Wolves Pedro Neto

Napoli oo la filayaa inay meesha ka saarto dalabkii ay ku doonaysay Osimhen waxayna wararku sheegayaan in Arsenal ay diyaar u tahay inay ku qarash garayso 63 milyan ginni sidaa darteed Chelsea waa inay si degdeg ah u dhaqaaqdo si ay tartanka ugu guulaysato

Arsenal oo raadineysa inay lasoo saxiixato weeraryahan dhexe oo cusub si uu u bedelo Eddie Nketiah kaasoo doonaya inuu u dhaqaaqo Marseille ka hor inta uusan xirmin daaqadda

Sida aan si joogto ah u soo sheegnay Osimhen wuxuu u furan yahay inuu ku biiro Chelsea ama Arsenal xagaagan halka xiisaha PSG uu weli taagan yahay

25 jirkaan oo Napoli u diray horyaalka Seria A xilli ciyaareedkii 2022/23 isaga oo dhaliyay 26 gool  oo horyaalka ah 32 kulan oo uu saftay ka hor inta uuna 15 gool dhalin 25 kulan xilli ciyaareedkii hore

Loolanka saxiixiisa ayaa la filayaa inuu sii kululaado maalmaha soo socda sidaa darteed waxaa xiiso yeelan doonta in la arko kooxda soo bandhigtay dalabkii ugu horeeyay ee la taaban karo

Haddii Chelsea ay awoodo inay Lukaku ka iibiso Napoli taasi waxay faa’iido ka siin kartaa tartanka

Lukaku oo qandaraaskiisa lagu burburin karaa 38 milyan ginni soo jeedintuna waxay tahay in Napoli ay dooneyso inay bixiso haddii Osimhen la iibiyo

Horay waxaa u dhex maray kooxaha Chelsea iyo Napoli wadahadalo ku saabsan heshiiska qeyb ka mid ah ee labada weeraryahan