Madaxa Manchester United Sir Jim Ratcliffe oo lagu soo waramayaa inuu horumar muhiim ah ka sameeyay baacsiga ay xagaagan kooxdu ku doonayso daafaca Lille Leny Yoro Red Devils ayaa la og yahay in ay bar-tilmaameed ka dhiganeyso xoojinta dambeedka waxaana lagu tiriyaa in ay si weyn u xiiseynayaan in Yoro keeno Old Trafford

18-sano jirkaan oo ka shaqeeya daafaca dhexe waxaana lala xiriirinayaa kooxo badan oo Yurub ah oo ay ku jiraan Chelsea iyo Real Madrid Si kastaba ha ahaatee waxa ay u muuqataa in United ay safka hore kaga jirto ka dib markii ay hore u qaadeen wada xaajoodkii Lille

Dalab dhan 42 milyan ginni ayay aqbashay kooxda reer France sida laga soo xigtay Fabrizio Romano iyadoo Lille ay dooneyso inay heshiis la gaarto maalmaha soo socda Waxaa lagu soo waramayaa inay ku riixayaan Yoro inuu heshiis shaqsi ah la gaaro Red Devils kuwaasoo la sheegay inay bixinayaan xirmada ugu fiican