Kooxda Kubada Cagta Chelsea ayaa qorsheyneesa in ay Cole Palmer siiso Abaal Marin lacageed oo aad u qiimo.

Xidigan kasoo aflaxay Academy-yada Manchester City ayaa Xagaagii hore kusoo biiray Naadiga ka dhisan galbeedka London ee Chelsea kadib markii uu damaanad qaadka booskiisa joogtada ah ka waayay Tababare Pep Guardiola oo City ku maamulaayay.

Kusoo biiristiisii Chelsea kadiba wax dhib ah kama uusan marin Cole Palmer in uu la qabsado Blues oo xiligaasi la daalaa dheceysay xaalado adag, halkii ay xaaladaha adag ee Kooxda ka saameyn lahaayeena waxuuba ka dhax helay jaanis uu Magaciisa Dunida ku baro.

Palmer ayaa xagaagii tagay wacdaro cajiib ah ka dhigay Horaaylka Premier League-ga iyo Koob walboo kale uu Chelsea ku matalay, Iyadoo ay ugu dambeysay wacdarihii uu ka dhigay Koobka EURO2024 Isagoo aan xitaa helin kala bar waqtigii uu qalmay, Caawin uu siiyay Watkins ayey Final ugu direen England, halka uu Goal cajiib ka dhaliyay Final-ka Isagoo kaliya daqiiqado aan 5 gaareyn ku jiray Garoonka, waloow Koobka laga qaaday, hadana Tababaraha England ayaa aad u hagraday Palmer.

Jaceyl xad dhaaf ayey u qaadeen Taageerayaasha Kooxdiisa Chelsea, waxuuna sidoo kale amaan joogto ah iyo u qiritaan ka helaa dhamaan Taageerayaasha Kubada Cagta, waxuuna durbaba yeeshay saameyn muuqata oo ay ugu horeeyaan Magaciisa caanka noqday ee ICE COLD iyo dabaal degiisa caanka noqday ee muujinaayo Qabowga maadamaa uu magaciisaba ka turjumaayl Qabowga.

Jookarkaan isku midka ay u yihiin ka ciyaarista boosaska Kubad qaabeeyaha, Garabka Midig iyo Dhameestiraha beenta ah ayaa aad u kasbaday Maamulka Kooxdiisa Chelsea taasoo keentay in ay ku fikiraan u Abaal-Gudka Xidigooda maadaama ay u arkaan in uu yahay Midka ugu muhiimsan.

Maamulka Chelsea oo caan ku ah la dagaalanka xeerarka Dhaqaalo wanaaga ah ee u yaalo Kubada Cagta ayaa qorsheeyeen in ay si hoose u Abaal-Mariyaan Palmer halkii ay si waadax Mushaarka ugu kordhin lahaayeen oo ayna soo shaacin lahaayeen.

Qorshahaan ayaa la fahamsan yahay in ay Maamulka Chelsea ku doonayaan in uu Palmer u balanqaado ku nagaansaha Kooxda 10-ka sano ee soo wajahan

Waana wax uu aad iyo aad ugu qalmo Cole Palmer oo xagaagiisii 1-aad Chelsea u sameeyay wax ay adagtahay in uu lama filaankaas ku sameeyo saxiix sidiisoo kale ahaa, Isagoo jabiyay Rikooro badan kuwa kaloo cusubna dhigay, sidoo kalana noqday Xidiga ugu fiican Kooxda ee Xagaagii tagay oo ahaa kiisii ugu horeeyay ee uu xernaa Fanaanada Buluuga ee Chelsea caanka ku tahay